जळगाव ः जिल्ह्यात ग्रामपंचायत निवडणुक प्रक्रियेत काल रात्री उशिरापर्यंत अर्जांची छाननी सुरू होती. त्यात १९ हजार ९८३ अर्ज वैध तर २८८ अर्ज अवैध ठरले. आता लक्ष उमेदवारी माघारीकडे लागले आहे. चार जानेवारीस अर्ज माघारीची शेवटची तारीख आहे. त्या किती उमेदवार माघारी घेतात, किती बिनविरोध होतात याकडे उमेदवारांसह नागरिकांचे लक्ष लागून आहे. 

आवश्य वाचा- ग्रामपंचायत निवडणूका आल्या रंगात; भावी सरपंचांचा आखाडा तापला !    

जिल्ह्यात ७८३ ग्रामपंचायतींच्या निवडणुका होत आहेत. ३० डिसेंबरपर्यंत ७ हजार २१३ जागांसाठी एकूण २० हजार २७१ उमेदवारी अर्ज दाखल झाले होते. त्यांची छाननीची प्रक्रिया काल झाली. त्यात काही उमेदवारांच्या अर्जावर अनेकांनी हरकती घेतल्याने छाननी दरम्यान वैध, अवैध अर्जांची संख्या सर्वच तहसिल कार्यालयातून जिल्हा प्रशासनाला प्राप्त झाली नव्हती. ती आज प्राप्त झाली आहे. 

त्यात २० हजार २७१ उमेदवारांनी अर्ज दाखल केले होते. त्यातील १९ हजार ९८३ अर्ज वैध, तर २८८ उमेदवारांचे अर्ज अवैध ठरले आहेत. 

राजकीय डावपेच सुरू
निवडणूकीत कोणत्या नेत्याला बोलावयाचे, अधिकाधिक मते आपल्याच पॅनलला मिळण्यासाठी डावपेच कसे आखायचे, याचे नियोजन आता सुरू झाले आहे. आपल्या विजयासाठी कोणाला माघारी घ्यावयास लावायची, त्याने माघार घेतली नाहीतर इतर काय पर्याय आहेत याचाही शोध सुरू झाला आहे. 

आवर्जून वाचा- जळगाव जिल्ह्यात लवकरच 'कोरोना’ची लस; प्रथम या कर्मचाऱ्यांना दिली जाणार लस !

तालुकानिहाय वैध अवैध उमेदवारी अर्जांची संख्या अशी 
तालुका--वैध--अवैध 
जळगाव--१५३०--१५ 
जामनेर- २०२४--३० 
धरणगाव- ११२१--२९ 
एरंडोल- ८३९--२४ 
पारोळा-१४५८--२० 
भुसावळ-८४४--८ 
मुक्ताईनगर-११४५--१० 
बोदवड-६१०--९ 
यावल-१२१९--६ 
रावेर-११५३--३१ 
अमळनेर-१३४८--२९ 
चोपडा-१३२१--८ 
पाचोरा- २३२२--३० 
भडगाव-९४३-७ 
चाळीसगाव-२१०६--३२ 
एकूण--१९९८३--२८८ 

निवडणूक कार्यक्रम 
अर्ज माघारी, चिन्ह वाटप ः ४ जानेवारी २०२१ 
मतदान ः १५ जानेवारी 
मतमोजणी-१८ जानेवारी 

संपादन- भूषण श्रीखंडे