Jalgaon Crime News : तालुक्यातील एका ग्रामसेविकेचा येथील पंचायत समितीच्या गटविकास अधिकाऱ्याने वारंवार छळ करून विनयभंग केल्याप्रकरणी पीडितेने दिलेल्या फिर्यादीवरून गटविकास अधिकाऱ्याविरुद्ध गुन्हा दाखल करण्यात आला आहे. (Group development officer molested village servant jalgaon crime news)

पारोळा तालुक्यातील पीडित ग्रामसेविकेने दिलेल्या तक्रारीनुसार, येथील पंचायत समितीचे गटविकास अधिकारी संशयित विजय दत्तात्रेय लोंढे (वय ४४, रा. जळगाव) हे २ डिसेंबर २०२१ पासून रुजू झाले असून, तेव्हापासून ३६ वर्षीय ग्रामसेविकेला आपल्या दालनात बोलावून विनयभंग करत होते.

तसेच शासन आपल्या दारी या कार्यक्रमाच्या दिवशी गटविकास अधिकाऱ्यांनी पीडित ग्रामसेविकेस कारणे दाखवा नोटीस दिली.

हेही वाचा : Credit Card फसवणूक....काय घ्याल काळजी?

त्यांच्या छळाला कंटाळून झोपेच्या गोळ्या घेतल्याचे पीडितेने फिर्यादीत नमूद केले आहे.

या प्रकरणी शनिवारी (ता. ८) पीडितेच्या तक्रारीवरून पारोळा पोलिस ठाण्यात गटविकास अधिकारी संशयित विजय लोंढे यांच्याविरुद्ध गुन्हा दाखल करण्यात आला आहे. पोलिस उपनिरीक्षक गंभीर शिंदे तपास करीत आहेत.