Jalgaon Crime News : येथील पोलिसांनी गोपनीय माहितीवरून पाटीलवाडा परिसरातील व्यापाऱ्याच्या घरावर पोलिसांनी छापा टाकला असता ५७ हजार ६३८ रुपये किमतीचा गुटखा पानमसाल्याचा साठा आढळून आला.

दरम्यान, पोलिसांचा सुगावा लागताच व्यापारी पसार झाला. त्याचा पोलिस शोध घेत आहेत. (Gutkha worth 57 thousand seized from house of trader Jalgaon Crime News)

सहाय्यक पोलिस अधीक्षक अभयसिंग देशमुख यांना गोपनीय माहिती मिळाली असता, त्यांनी पोलिस निरीक्षक संदीप पाटील यांना कारवाईचे आदेश दिले आणि सहाय्यक पोलिस निरीक्षक सागर ढिकले, योगेश बेलदार, दिपक पाटील, अमोल भोसले, प्रवीण जाधव, प्रकाश पाटील, शब्बीर शेख यांच्या पथकाने विजय चंद्रकांत देवरे (रा. परिवार कलेक्शनसमोर, पाटीलवाडा, चाळीसगाव) यांच्या निवासस्थानी बुधवारी (ता. १२) छापा टाकला असता विक्रीसाठी आणलेला गुटखा पानमसाला ( किंमत ५७ हजार ६३८ रुपये) आढळला.

हेही वाचा : Credit Card फसवणूक....काय घ्याल काळजी?

पोलिसांनी हा माल जप्त केला असून, त्याच्याविरुद्ध गुन्हा दाखल केला आहे. अप्पर पोलिस अधीक्षक रमेश चोपडे, सहायक पोलिस अधीक्षक देशमुख यांच्या मार्गदर्शनाखाली पोलिस निरीक्षक पाटील यांच्या सहकार्याने सहायक पोलिस निरीक्षक ढिकले तपास करीत आहेत.