Jalgaon News : चोपड्याहून जळगावला जाण्यासाठी कमी अंतराचा रस्ता म्हणून दररोज शेकडो प्रवासी व वाहने खेडीभोकरी ते भोकर नावेने जात नावेचा प्रवास करत एक वेगळा अनुभव अनुभवत आहेत. हल्ली रस्त्यांचे जाळे विस्तारलेले आहे. (hundreds of travelers cross river Tapi jalgaon news)

मात्र बऱ्याचदा पैसा आणि वेळ वाचविण्यासाठी कमी अंतराचा मार्ग निवडला जातो. तसाच जळगाव, भोकर, भादली, किनोद येथे चोपडा येथून जाण्यासाठी खेडीभोकरी मार्गे तापी नदी ओलांडून जाता येते.

जळगाव पोहोचण्यासाठी १५ किलोमीटर अंतर वाचत असल्याने दररोज शेकडो प्रवासी हा मार्ग अवलंबतात.

नदी नावेने पार करण्यासाठी व्यक्तीसाठी दहा रुपये व दुचाकीसाठी वीस रुपये देऊन पलीकडे नावेने प्रवास होतो.

या ठिकाणी भव्य पूल निर्माणाधिन असून, उन्हाळ्यात लाकडी पूल किंवा भराव टाकून वाहनांची ये जा होत असते. भविष्यात या ठिकाणी मोठा पूल होणार असला तरी सद्यस्थितीतील आठवण किशोरवयीन आणि हौशिंसाठी नावेचा वेगळा अनुभव देणारी ठरत आहे.