जळगाव : विवाहितेने माहेरहून १ लाख रुपये आणावे, यासाठी शिवीगाळ करून मारहाण केल्याचा प्रकार समोर आला आहे. याप्रकरणी पतीसह तीन जणांविरोधात गुन्हा दाखल करण्यात आला आहे.

शहरातील एमआयडीसी परिसरातील माहेर असलेल्या सिमा समाधान पाटील (वय ३०) यांचा विवाह गुजरात राज्यातील बारडोली येथील समाधान चिंधू पाटील यांच्याशी झाला. लग्नाच्या सुरवातीचे काही महिने चांगले गेले. त्यानंतर समाधान पाटील हा दारूच्या नशेत येऊन विवाहितेला शिवीगाळ करून लागला. आणि ‘माहेरहून १ लाख रुपये आणले नाही, तर मी तुला वागवणार नाही’ अशी धमकी दिली. सासू आणि नणंद यांनी पैशांसाठी तगादा लावला होता. या छळाला कंटाळून विवाहिता माहेरी निघून आल्यात. विवाहितेने एमआयडीसी पोलीसात धाव घेत तक्रार दिली. त्यांच्या तक्रारीवरून पती समाधान चिंधू पाटील, इंदूबाई चिंधू पाटील, साधना रघुनाथ पज्ञटील सर्व (रा. मरीमाता मंदीर, बारडोली, गुजरात) यांच्याविरोधात एमआयडीसी पोलीसात गुन्हा दाखल करण्यात आला आहे. पुढील तपास पोलिस नाईक विजय पाटील करीत आहे.