जळगाव : उपप्रादेशिक परिवहन विभागात बनावट स्वाक्षरी करून वाहनांचे हस्तांतर केल्याचा प्रकार उघडकीस आला आहे. याप्रकरणी सोमवारी (ता. १५) वाहन हस्तांतर करणारा कलीम कमरुद्दीन शेख, शेख फारुख ऊर्फ गुड्डू यांच्यासह ऑनलाइन फॉर्म भरणारा अशा तिघांविरुद्ध रामानंदनगर पोलिस ठाण्यात गुन्हा दाखल झाला आहे. 

जळगावच्या बातम्यांसाठी येथे क्लिक करा 

मुक्ताईनगर तालुक्यातील कलीम कमरुद्दीन शेख यांच्याकडे (एमएच १८, डब्ल्यू ४४३०) तवेरा कार होती. २ फेब्रुवारीला वाहन प्रतिनिधी शेख फारूख ऊर्फ गुड्डू (रा. तांबापुरा) याने या कारच्या मालकीच्या हस्तांतराबाबत अर्ज केला होता. अर्जासोबत मूळ वाहनाचे स्वरूपातील स्मार्टकार्ड आरसी बुक, ऑनलाइन पैसे भरल्याची पावती, तसेच वाहनमालक कलीम कमरुद्दीन शेख या नावाचे आधारकार्डची झेरॉक्स कॉपी आणि वाहन विकत घेणारा आरिफ शेख हसन (रा. अंतुर्ली, ता. मुक्ताईनगर) या नावाने आधार व पॅनकार्डची झेरॉक्स प्रत जोडून वाहन विक्रीचा दस्तऐवज तयार केला होता. कागदपत्रांच्या आधारे वाहन मालकी हस्तांतराची प्रक्रिया पूर्ण करून (एमएच १८, डब्ल्यू ४४३०) वाहन कलीम कमरुद्दीन शेख यांच्या नावावरून आसिफ शेख हसन शेख याला हस्तांतरित करण्यात आले. त्याप्रमाणे स्मार्टकार्ड स्वरूपातील आरसी बुक तयार करण्यात आले होते. 

ताज्या बातम्यांसाठी डाऊनलोड करा ई-सकाळचे ऍप 

माहितीच्या अधिकारात उघड
 
कारच्या पूर्वीचे मालक कलीम कमरुद्दीन शेख यांनी (ता. ०९) फेब्रुवारीला माहितीच्या अधिकारात अर्ज दाखल करीत हे वाहन बेकायदेशीर इतर व्यक्तींच्या नावे हस्तांतर करण्यात आला असल्याचा आक्षेप घेतला होता. या प्रकाराची चौकशी झाली असता, वाहन हस्तांतरासह त्याच्यासोबत जोडलेले दस्तऐवज कागदपत्रे यात वाहनाची मूळ नोंदणी प्रमाणपत्र, मूळ नोंदणी प्रमाणपत्रामध्ये चेसीस क्रमांकाशी जुळत असल्याचे या वेळी उघडकीस आले. तसेच ऑनलाइन अर्ज भरला असून, हे वाहन हे कलीम कमरुद्दीन शेख यांनी आरिफ शेख हसन शेख यांना विकल्याची नोटीस देऊन वाहन विकल्याचे कागदपत्रे आरिफ शेख, हसन शेख यांना देण्यात आली आहे. 
 
कागदपत्रांवर अधिकाऱ्याच्या बनावट स्वाक्षरी
 
हस्तांतरण झालेले वाहन खरोखर विकले आहे किंवा नाही, यासाठी मूळ कागदपत्रांसह पूर्वीचे मालक कलीम कमरुद्दीन शेख ओळखपत्रासह वरिष्ठ लिपिक यांना तपासणीसाठी दिली. याची वरिष्ठ अधिकाऱ्यांनी तपासणी केली असता, यात जमा केलेल्या अर्जात कनिष्ठ लिपिक पी. एन. खरात, वरिष्ठ लिपिक एल. ए. महिरे, प्रभारी कनिष्ठ लेखा परीक्षक जे. बी. कुलकर्णी, तसेच प्रभारी सहाय्यक प्रादेशिक अधिकारी महेश देशमुख या सर्व अधिकाऱ्यांच्या स्वाक्षरी बनावट असल्याचे उघडकीस आले. 

मूळ मालकासह जुन्या मालकाविरुद्ध गुन्हा
 
याप्रकरणी प्रभारी लेखापरीक्षक अधिकारी जवाहर कुलकर्णी यांच्या फिर्यादीवरून मूळ मालक कलीम कमरुद्दीन शेख, वाहन प्रतिनिधी शेख फारूख ऊर्फ गुड्डू आणि आणि ऑनलाइन फॉर्म भरणार अज्ञात व्यक्ती यांच्याविरोधात रामानंदनगर पोलिस ठाण्यात गुन्हा दाखल करण्यात आला आहे.