जळगाव : मन्यारखेडा(ता.जळगाव) फाट्याजवळ झालेल्या अपघातात जळगावमधील एका तरुणाचा जागीच मृत्यू झाला असून दोघे गंभीर जखमी आहेत.

जखमींवर जिल्हा शासकीय रुग्णालयात उपचार सुरु आहेत. (Jalgaon Accident News Two wheeler accident of siblings coming from Darshan Youth killed 2 injured)

शहरातील कंजरवाडा भागातील रहिवासी राजेश माचरे यांचा मुलगा राजेश (वय २३) लहान मुलगा नेहाल (वय-१८) आणि त्याच्या घरी नंदुरबारहून आलेली आतेबहीण उन्नती रविचंद्र तमाईचेकर (वय १२) असे तिघे बहिण- भावंडे सोमवार सुट्टीमुळे शिरसाळा (ता.बोदवड) येथील मारुती मंदिरात दर्शनाहून परतत असताना सकाळी दहाच्या सुमारास मन्यारखेडा फाट्याजवळ दुचाकी अपघात झाला.

ग्रामस्थांनी जखमींना तातडीने जिल्हा रुग्णालयात दाखल केले. मुख्य वैद्यकीय अधिकारी डॉ. आदित्य साळूंखे यांनी नेहाल माचरे याला मृत घोषीत केले. जखमी अक्षय व उन्नती यांच्यावर उपचार सुरू आहेत. नशिराबाद पोलिसांत गुन्हा दाखल करण्यात आला आहे.

कंजरवाडा पसरली शोककळा

अपघाताची माहिती कळताच जाखनीनगर कंजरवाड्यातील तरुणांसह ग्रामस्थांनी रुग्णालयात धाव घेतली.

मृत्यूनंतर रुग्णालयात कुटुंबीयांचा आक्रोश होता. मृत नेहाल (वय १८) शहरातील एका फोटो स्टुडिओत काम करून शिक्षण घेत होता. त्याचे वडील राजेश मजुरी करतात.या दुर्घटनेमुळे कंजरवाडा परिसरात शोककळा पसरली आहे.