जळगाव : महामार्गावरील चौपदरीकरणाच्या कामात आकाशवाणी चौकात सुरू असलेले रोटरी सर्कलचे काम राष्ट्रवादी काँग्रेसच्या कार्यकर्त्यांनी घोषणाबाजी करून बंद पाडले. पोलिसांनी कार्यकर्त्यांची समजूत घातल्यानंतर ते बाजूला झाले व काम सुरू करण्यात आले.
शहरातील महामार्गाच्या चौपदरीकरणाचे काम सुरू असून त्याअंतर्गत आकाशवाणी चौकासह इच्छादेवी चौक व अजिंठा चौकात रोटरी सर्कल बनविण्यात येणार आहे. पैकी आकाशवाणी चौकात सर्कलचे काम हाती घेण्यात आले आहे. मात्र, चौकाच्या एकूणच आकाराच्या तुलनेत सर्कलचा व्यास खूप जास्त असल्याने त्यास विरोध होत आहे. शिवाय हे सर्कल तांत्रिकदृष्ट्य़ा योग्य नसल्याचा दावाही शिरीष बर्वे व अन्य तज्ज्ञांनी केला आहे.
त्याच पार्श्वभूमीवर आज राष्ट्रवादी काँग्रेसच्या कार्यकर्त्यांनी दुपारी अकराच्या सुमारास आकाशवाणी चौकात आंदोलन सुरू केले. कामाच्या तांत्रिक त्रुटींबाबत घोषणाबाजी करत त्यांनी काम बंद पाडले. या वेळी चौकात कर्तव्यावर असलेल्या वाहतूक पोलिसांची चांगलीच धावपळ उडाली. काही वेळ वाहतुकीचा खोळंबाही झाला होता.
जिल्हापेठ ठाण्याचे निरीक्षक व अन्य पोलिस कर्मचारी आंदोलनस्थळी दाखल झाल्यानंतर त्यांनी कार्यकर्त्यांची समजूत घातली. काम बंद पाडू नये, असे आवाहन पोलिसांनी केले. मात्र, काम पूर्ण झाल्यानंतर आंदोलन केल्याचा काय उपयोग? असा प्रश्न उपस्थित करत कार्यकर्ते भूमिकेवर ठाम राहिले. मात्र, काही वेळानंतर हे आंदोलन मागे घेण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.