Jalgaon News : जिल्हा माध्यमिक शिक्षक व शिक्षकेतर कर्मचारी पतसंस्था वारंवार चौकशीच्या फेऱ्यात येताना दिसत असून, मागील आठवड्यामध्ये विभागीय सहनिबंधक सहकारी संस्था नाशिक यांनी माध्यमिक पतपेढीने काढलेल्या कर्मचारी भरतीस स्थगिती दिली आहे. कर्मचारी भरतीची चौकशी होऊन सुनावणी होणार असून, पतपेढीत होणाऱ्या भरतीत सभासद पाल्यांना प्राधान्य देण्यात यावे. (Jalgaon Divisional Co-Registrar Co-operative Societies Nashik has suspended the recruitment of secondary)

तसे कुठलाही भ्रष्टाचार होऊ नये, म्हणून पतपेढीचे सभासद विनोद दिलीप महेश्री (सावदा) यांनी तक्रार दाखल केली होती. त्यावर भरतीस स्थगिती देण्यात आली. जळगाव जिल्हा माध्यमिक शिक्षक व शिक्षकेतर नोकरांच्या पतसंस्थेचे अंदाजे दहा हजार सभासद असून, कोट्यवधी रुपयांचे व्यवहार.

जिल्ह्यातील माध्यमिक शाळेतील शिक्षक व शिक्षकेतर कर्मचाऱ्यांच्या ठेवीमधून कर्जवाटप केले जाते. पतसंस्थेचे भाग भांडवल वाढत असते. गेल्या पंचवार्षिक २०१७ पासून अध्यक्ष व कार्यकारी मंडळांनी केलेल्या बेकायदेशीर व अनियमिततेबाबत इमारत जागा खरेदी, नोकरभरती, मुख्य इमारत दुरुस्ती. (Latest Marathi News)

फर्निचर इमारत दुरुस्ती, प.सं. निधी आदींबाबत पतसंस्थेचे सभासद व मुख्य तक्रारदार विनोद दिलीप महेश्री यांनी अनेक वेळा वरिष्ठ सहकार खात्याकडे तक्रारी केल्या आहेत. त्यात त्यांनी पतसंस्था भरतीतील कथित गैरव्यवहाराबाबत तक्रार केली.

त्या अन्वये १२ कर्मचाऱ्यांच्या भरतीबाबत स्थगिती व चौकशीचे आदेश देण्यात आले आहेत. सोबत विभागीय सहनिबंधक सहकारी संस्था नाशिक, तसेच जिल्हा उपनिबंधक सहकारी संस्था जळगाव यांनी जामनेर येथील सहकारी संस्था यांना चौकशीचे आदेश दिले आहेत.