जळगाव : लहानपणापासून मुलांनी दातांची काळजी घ्यावी. मुलांनी दिवसातून दोन वेळा ब्रश करावा. ही सवय स्वतःला लावली तर भविष्यात अनेक आजारांपासून दूर ठेवता येते. लहान मुलांनी दररोज दूध घ्यावे. त्यामुळे कॅल्शिअममध्ये वाढ होते अशी माहिती दंतरोगतज्ज्ञ डॉ. हेमंत पाटील यांनी दिली. (Jalgaon Dr Hemant Patil statement Brush Twice for Healthy Teeth)

शासकीय वैद्यकीय महाविद्यालय व रुग्णालयाच्या (जीएमसी) दंतशल्य चिकित्सा विभागातर्फे जागतिक मौखिक आरोग्य दिनानिमित्त जळगावच्या बालसुधारगृहात तेथील मुलामुलींची दंततपासणी करण्यात आली. यावेळी ते बोलत होते.

यावेळी बालसुधारगृहाच्या अधीक्षिका जयश्री पाटील, अधीक्षक रविकिरण अहिरराव, डॉ. सुयश जोशी प्रामुख्याने उपस्थित होते.

डॉ. हेमंत पाटील म्हणाले, की प्रत्येक मुलामुलींची दंततपासणी करण्यात आली. मुलांना दातांचे आरोग्य कसे राखावे, रोज ब्रश कसे करावे याबाबत माहिती दिली. मोठे झाल्यावर व्यसनांपासून लांब राहा. दातांना कॅल्शिअमची अधिक गरज असते.

हे कॅल्शिअम मिळण्यासाठी रोज दूध पिले पाहिजे. यामुळे दातांच्या आरोग्यात वाढ होते. डॉ. करिष्मा सरोदे, डॉ. सतीश सुरळकर, तज्ञ सूर्यकांत विसावे, क्षितीज पवार यांनीही दंततपासणी केली.