Jalgaon News : येथील अंकलेश्वर-बुऱ्हाणपूर महामार्गालगत म्युनिसिपल हायस्कूल व कनिष्ठ महाविद्यालयाचे मुख्य प्रवेशद्वार आहे. पावसाळ्यात रस्त्यावरील पाणी थेट हायस्कूलच्या दर्शनी भागात प्रांगणात शिरते. परिणामी, शाळेच्या आवारात मोठ्या प्रमाणात पाणी साचत असल्याने विद्यार्थ्यांना वाट काढून जावे लागत आहे. याकडे पालिका प्रशासनाने अद्यापही लक्ष दिलेले नाही. त्यामुळे गेल्या काही वर्षांपासून ही समस्या कायम आहे. (Faizpur road water accumulates in school premises due to rain )

येथील म्युनिसिपल हायस्कूल व कनिष्ठ महाविद्यालय ही ब्रिटिशकालीन शाळा आहे. अलीकडच्या काळात शाळेची दयनीय अवस्था झाली होती. परंतु शाळेचे शताब्दी महोत्सवानिमित्त शाळेचे माजी विद्यार्थी असलेेले महामंडलेश्वर जनार्दन हरी महाराज यांनी पुढाकार घेऊन माजी विद्यार्थी व शहरातील नागरिकांच्या पुढाकाराने शाळेची दुरुस्ती, रंगरंगोटी करून शाळा परिसरात वृक्ष लागवड केली. (latest marathi news)

शाळेच्या दर्शनी भागात कच टाकण्यात आला. मात्र शताब्दी महोत्सव साजरा होऊन एक वर्ष उलटत नाही, तोच पावसाळ्यात हायस्कूलच्या समोरील दर्शनी बाजूस पावसाचे पाणी साचू लागले. त्याचा त्रास विद्यार्थ्यांसह शिक्षकांना सहन करावा लागत आहे. पालिका प्रशासनाने याकडे लक्ष देऊन पाण्याचा निचरा करण्यासाठी हा प्रश्न कायमस्वरुपी मार्गी लावावा, अशी मागणी पुढे आली आहे.

पावसाळ्यात उद्भवते समस्या

दरम्यान, अंकलेश्वर-बुऱ्हाणपूर महामार्गालगत म्युनिसिपल हायस्कूल व कनिष्ठ महाविद्यालयाचे मुख्य प्रवेशद्वार आहे. पावसाळ्यात रस्त्यावरील पाणी थेट हायस्कूलच्या दर्शनी भागात प्रांगणात शिरते. या पाण्याचा निचरा होण्यासाठी मार्गच नसल्याने हे संपूर्ण पाणी हायस्कूलमध्ये साचते. या समस्येविषयी पालिकेचे अभियंता यांना मुख्याध्यापक व शिक्षकांनी अनेक वेळा सांगूनही उपाययोजना झाली नाही. साचत असलेल्या या पाण्यामुळे साथीचे आजार पसरण्याची भीती निर्माण झाली आहे.