Khandoba Yatrotsav : येथील मल्हारी मार्तंड खंडोबाच्या यात्रोत्सवाला रविवारपासून (ता. २४) सुरवात होणार आहे. यासाठी मंदिर परिसरात विविध प्रकारचे पाळणे, मौत का कुआ, खाद्य पदार्थ, लहान मुलांची खेळणी विक्रीची दुकाने देवस्थान परिसरात दाखल होत आहेत. यात्रोत्सवाची तयारी सुरू झाली आहे. परंपरागत आणि खानदेशातील प्रतिजेजुरी म्हणून ओळखल्या जाणाऱ्या फैजपूर येथे खंडोबाची यात्रा भरते. (Jalgaon Khandoba Yatra festival from Sunday in Faizpur)

यात्रेनिमित्त खानदेशातील भाविक दर्शनासाठी फैजपुरात हजेरी लावतात. यात्रोत्सवानिमित्त महाराष्ट्र व विविध राज्यातील व्यावसायिक आपल्या दुकानांसह गेल्या दोन, तीन दिवसांपासून खंडोबा देवस्थान परिसरात दाखल होत आहेत व जागा सांभाळून दुकाने थाटण्यासाठी तयारीला लागले आहेत.

यंदा देखील मोठ्या आकाराचे पाळणे, मौत का कुआ, विविध प्रकारचे पाळणे व दुकाने जागोजागी लावण्यासाठी व्यावसायिकांची लगबग सुरू झाली आहे. (latest marathi news)

दरम्यान, महाराष्ट्रात प्रसिद्ध असलेल्या व परंपरागत पद्धतीने भरणाऱ्या फैजपूर येथील मल्हारी मार्तंड खंडोबा देवस्थानच्या यात्रोत्सवाला सालाबाद प्रमाणे येत्या २४ मार्च फाल्गुन शुद्ध पौणिमेपासून प्रारंभ होणार असून, यानिमित्त देवस्थान व्यवसथापनकडून खंडोबा मंदिराची रंगरंगोटी, साफसफाई व दर्शनासाठी येणाऱ्या भावीनकांसाठी सोयीसुविधा उपलब्ध करून देण्याचे नियोजन सुरू केले आहे.

या ठिकाणी दरवर्षी भरणाऱ्या यात्रोत्सवाचे वेध लागले असून, यात्रोत्सवनिमित्त देवस्थान परिसरात दुकाने थाटण्याची व व्यावसायिक दाखल होण्याची लगबग सुरू झाली आहे.