Jalgaon News : राष्ट्रवादी ओबीसी सेलचे प्रदेशाध्यक्ष राज राजा राजापूरकर यांच्या नेतृत्वात संपूर्ण राज्यात ‘बहुजन जुडेगा देश बढेगा’ हा नारा देत बाईक रॅली निघाली असून बहुजनची ताकद एक राहिली पाहिजे हा या मागील मूळ उद्देश असल्याची माहिती ओबीसी सेलचे प्रदेशाध्यक्ष राज राजा राजापूरकर यांनी पत्रकार परिषदेत दिली. (President of OBC Cell Rajapurkar statement Rally across state to consolidate Bahujan strength)

राष्ट्रवादी शरद पवार गटाच्या कार्यालयात मंगळवारी सायंकाळी पत्रकार परिषद घेण्यात आली. त्यावेळी ते बोलत होते. यावेळी जळगाव जिल्हा ओबीसी सेलचे कार्याध्यक्ष किशोर दुसाने, तालुकाध्यक्ष शशिकांत पाटील, ओबीसी सेलचे जिल्हाध्यक्ष शालीग्राम मालकर.

माजी सभापती डी. पी. साळुंखे, गोपाळ सोनवणे, चोसाका माजी उपाध्यक्ष शशी देवरे, मागासवर्गीय सेलचे तालुकाध्यक्ष भाऊसाहेब साळुंखे, ओबीसी सेलचे कार्याध्यक्ष अमोल चौधरी आदी उपस्थित होते.

या वेळी राज राजा राजापूरकर पुढे म्हणाले की, समाजात जाती जातींच्या नावावर तेढ निर्माण केली जात आहे. मात्रहा देश जोडण्याचा प्रयत्न असून, ही भूमिका विचारसरणी घेत ही रॅली निघाली आहे.

नोटबंदी, महागाई यामुळे बहुजनांवर हल्ला झाला आहे. मराठा समाजाला न्यायिक पद्धतीने आरक्षण द्यावे, पण सरकार नुसते दुटप्पी भूमिका घेत आहे. हे आरक्षण न्यायालयात टिकणार नाही, असेही त्यांनी सांगितले.