Jalgaon News : जिल्हा आरोग्य विभागामार्फत राज्यात ३ ते ६ मार्च राबविण्यात येणाऱ्या पल्स पोलिओ मोहिमेच्या पार्श्वभूमीवर जिल्हा पल्स पोलिओ समन्वय समितीची सभा जिल्हाधिकारी आयुष प्रसाद यांच्या अध्यक्षतेखाली झाली. जिल्हा परिषदेचे मुख्य कार्यकारी अधिकारी अंकित, महापालिका आयुक्त विद्या गायकवाड उपस्थित होते. (Pulse Polio campaign from March 3 in jalgaon district)

जिल्हाधिकारी प्रसाद यांनी ३ मार्चला घेण्यात येणाऱ्या पल्स पोलिओ कार्यक्रमाचे काटेकोरपणे नियोजन करण्याच्या सूचना दिल्या. कार्यक्रम यशस्वीपणे पार पाडण्यासाठी राजकीय, सामाजिक, प्रतिष्टीत व्यक्ती, सोशल मीडिया कॅम्पनर यांना सहभागी करून घेण्याबद्दल सूचना दिल्या.

पल्स पोलिओ मोहिमेत जळगाव मधील स्थानिक व इतर राज्यातून येणाऱ्या बालकांना डोस पाजण्यावर भर देण्यात यावा असे सांगितले. ही मोहीम ३ ते ६ मार्च दरम्यान जिल्हाभरात राबवली जाणार आहे.

३ मार्च रोजी ठिकठिकाणी बुधवर पोलिओ डोस मिळणार आहे. तर चार ते सहा मार्च दरम्यान आरोग्य कर्मचारी घरोघरी जाऊन बालकांना पोलिओ डोस पाजणार आहेत. या मोहिमेत शून्य ते पाच वर्ष वयोगटापर्यंतच्या पोलिओ देण्यात येणार आहे.

जळगाव जिल्ह्यामध्ये जवळपास पाच लाख बालकांना पोलिओ लस देण्यात येणार आहे. याबाबतचे सूक्ष्म नियोजनाची माहिती जिल्हा आरोग्य अधिकारी डॉ.सचिन भायेकर यांनी सादर केली. जिल्हा शल्य चिकित्सक डॉ. किरण पाटील व जिल्ह्यातील आरोग्य विभागातील अधिकारी कर्मचारी उपस्थित होते.