अमळनेर : मतदारसंघातील विविध रस्त्यांसाठी पीएमजीएसवाय योजनेंतर्गत तिसऱ्या टप्प्यासाठी १५ कोटी ३७ लाख ९५ हजार रुपयांचा भरघोस निधी आमदार अनिल पाटील यांच्या प्रयत्नाने मंजूर झाला आहे.
अमळनेर मतदारसंघातील दळणवळणासाठी महत्त्वाच्या असलेल्या रस्त्यांच्या निधीसाठी आमदार अनिल पाटील प्रयत्नशील होते. अनेक वर्षांपासून मतदारसंघाच्या ग्रामीण भागातील नागरिकांना रस्त्यांचा बिकट प्रश्न भेडसावत होता.आमदार अनिल पाटील हे मागच्या दीड ते दोन वर्षांपासून ग्रामीण भागातील रस्त्यांच्या निधीसाठी पाठपुरावा करत होते. अखेर पीएमजीएसवाय योजनेंतर्गत १५ कोटी ३७ लाख ९५ लाखांचा निधी मंजूर झाल्याने आमदारांनी समाधान व्यक्त केले.
या निधीतून तालुक्यातील मारवड जैतपिर- ६ किलोमीटर रस्त्यासाठी ४ कोटी ७ लाख ९१ हजार, मुडी- बोदर्डे- भरवस- लोणपंचम- सबगव्हाण- चौबारी ९ किमी रस्त्यासाठी ७ कोटी २४ लाख ३९ हजार, तर पारोळा तालुक्यातील शेवगे-पुनगाव-शेवगे बुद्रुक कंकराज-रत्नपिंप्री ६ किमी रस्त्यासाठी ४ कोटी ५ लाख ६५ हजार, असा एकूण १५ कोटी ३७ लाख ९५ हजार रुपयांचा निधी मतदारसंघासाठी मंजूर झाला.
लवकरच कामाला सुरवात होणार असल्याचे आमदार अनिल पाटील यांनी सांगितले. या भागातील ग्रामस्थांनी मंजूर झालेल्या कामाबद्दल आमदार अनिल पाटील यांचे आभार मानले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.