जळगाव : भुसावळ बाजारपेठ पोलिस ठाण्यात खंडपीठाचा जामिन प्राप्त संशयित हजेरीसाठी आला असताना पोलिस निरीक्षक राहुल गायकवाड यांच्याकडून मारहाण करण्यात आली. मारहाण प्रकरणात जळगावात दाखल जखमीने त्यांच्याविरुद्ध तक्रारी जबाब दिला असताना भुसावळ उपविभागाचे डिवायएसपींनी आपल्याला हे प्रकरण माहिती नसल्याचे ‘सकाळ’ शी बोलताना सांगितले.
भुसावळ बाजारपेठ पेालिसांत आर्मॲक्ट अंतर्गत दाखल गुन्ह्यातील संशयित निखिल सुरेश राजपूत याला उच्च न्यायालयातून अटकपूर्व जामीन मिळाला होता. अटक न हेाता संशयिताला जामीन मंजूर झाल्याचा राग मनात ठेवून बाजारपेठ पोलिस ठाण्याचे निरीक्षक राहुल गायकवाड यांनी निखिल राजपूत या तरुणाला अमानवीय पद्धतीने मारहाण करून त्याची अर्धी दाढी कैचीने कापून मरणासन्न अवस्थेत येईस्तव मारहाण केल्याची घटना घडली.(Jalgaon PI Beating Case DYSP unaware of that beating case Jalgaon Crime News)

जखमीवर जिल्‍हा रुग्णालयात उपचार सुरू असून जिल्‍हापेठ पोलिसांनी जखमीचे जाब-जबाब नोंदवून घेतले. बाजारपेठचे निरीक्षक राहुल गायकवाड यांनी केलेल्या मारहाणीबाबत त्याने तक्रार केली असताना हे प्रकरण आपल्याला माहितीच नाही, असे भुसावळ भागचे डिवायएसपी सोमनाथ वाकचौरे यांनी सांगितले.
मला माहिती नाही..
"या प्रकरणा संदर्भात अद्याप पावेतो कुठलीही तक्रार माझ्यापर्यंत आलेली नाही. किंवा तसा गुन्हाही दाखल झालेला नाही. तक्रार आल्यास योग्य ती कारवाई करण्यात येईल."
सोमनाथ वाकचौरे, उपविभागीय पोलिस अधिकारी, भुसावळ भाग