Jalgaon News : राज्याचे मुख्यमंत्री एकनाथ शिंदे शुक्रवारी (ता. ५) जळगाव विमानतळावर उतरून मंत्री गिरीश महाजन यांच्या वाहनाने धुळ्याकडे रवाना झाले. साक्री येथील अपक्ष आमदार मंजुळा गावित यांच्या मुलाचे धुळे येथे लग्न होते. त्याला उपस्थिती देण्यासाठी मुख्यमंत्री एकनाथ शिंदे विमानाने मुंबई येथून विमानाने आले. (Jalgaon State Chief Minister Eknath Shinde landed at Jalgaon Airport and left for Dulha with Minister Girish Mahajan)

धुळे विमानतळावर नाईट लॅडिंगची सुविधा नसल्याने ते जळगाव विमानतळावर उतरले. येथून धुळे येथे मंत्री गिरीश महाजन यांच्या खासगी मोटारीने रवाना झाले. आचारसंहिता असल्याने त्यांना खासगी मोटारीने जावे लागले. रस्त्याने जाताना पारोळा येथे त्यांचे स्वागत करण्यात आले.

फलकावरून वाद

जळगाव विमानतळावर मुख्यमंत्री एकनाथ शिंदे यांच्या स्वागताचे फलक लावण्यात आले होते. मात्र, आचारसंहिता सुरू असल्याने ते काढण्यात आल्याचे सांगण्यात आले. पारोळा येथे मुख्यमंत्री शिंदे यांच्या स्वागत करण्यासाठी प्रशासनाची परवानगी घेण्यात आल्याचे सांगण्यात आले.