Jalgaon Unseasonal Rain Damage : परिसरात शुक्रवारी (ता. १) दुपारी तीनच्या सुमारास तब्बल दोन तास अवकाळी पावसासह वादळीवाऱ्याचा जोरदार तडाखा बसला. यामुळे ज्वारी, गहू, हरभरा, दादर पिकांचे मोठे नुकसान झाले. कापणी झालेल्या दादर, ज्वारी, बाजरी, गहू, हरभऱ्याचे आजच्या पावसामुळे नुकसान झाले.

वादळामुळे वरसाडे, डोकलखेडा, दहिगाव परिसरात जोराचे वादळ आल्याने अनेक झाडांची पडझड झाली. काही झाडे वीजखांबांवरच पडल्याने तारांचे मोठे नुकसान झाले. (Jalgaon Storm hits Nandra area Loss of harvested wheat gram)

ज्यामुळे अनेक भागातील वीजपुरवठा खंडित झाला होता. या संकटामुळे शेतकऱ्यांच्या हातातोंडाशी आलेला घास हिरावला गेल्याने शेतकरी अस्वस्थ झाले आहेत. काही वेळ वादळाचा तडाखा इतका जोरात होता, की उभे असलेली रब्बीचे पिके अक्षरशः जमीनदोस्त झाली.

परिसरातील बांबरुड (राणीचे), सामनेर, नांद्रा, लासगाव, कुरंगी, माहेजी, दुसखेडा, वरसाडे, डोकलखेडा, दहिगाव, पहाण, हडसन वडगाव, खेडगाव, गोराडखेडा येथील शेतकऱ्यांच्या रब्बी पिकांना वादळाचा मोठ्या प्रमाणावर फटका बसला. वरसाडे, दहिगाव, डोकलखेडा परिसरात वीजपुरवठा खंडित झाल्यामुळे ग्रामस्थांचे खूपच हाल झाले. (latest marathi news)