Jalgaon Municipality News : महापालिकेतर्फे शहरात घरपट्टी वसुली मोहिम जोरात राबविण्यात येत आहे. थकबाक न भरणाऱ्या तब्बल ४५ थकबाकिदारंचे नळ कनेक्शन बंद करण्यात आले आहे. तर दोन दिवसात ७० लाख रूपये वसुल करण्यात आले.

महापालिकेची शहरातील मिळकत धारकांकडे मोठ्या प्रमाणात थकबाकी आहे.त्याची वसुलीकरण्यासाठी महापालिकेने अभय शास्ती योजनाही राबविली, मात्र तरीही अनेकांनी थकबाकी भरलेलीच नाही. (jalgaon Tap connection off 45 defaulters from Municipal Corporation)

त्यामुळे महापालिकेने आता थेट धडक वसुली मोहिम सुरूवात केली आहे. यासाठी महापालिकेतील कर्मचाऱ्यांच्या सुटया रद्द करून वसुलीसाठी १७ पथके नियुक्त केले आहेत. ३१ मार्चपर्यंत ३१ कोटी रूपये वसुल करण्यासाठी प्रत्येक वसुली पथकाला दररोज वसुलीचे उदिष्ट दिले आहे.

४५ नळ कनेक्शन बंद

धडक वसुली मोहिमेत ज्यांच्याकडे पाच हजाराच्या थकबाकी असेल अशा नागरिकांचे नळ कनेक्शन बंद करण्याची धडक कारवाई करण्यात येत आहे.दोन दिवसात तब्बल ४५ थकबाकिदारांचे नळ कनेक्शन बंद करण्यात आले आहे. (latest marathi news)

गैरहजर कर्मचाऱ्यांवर कारवाई

महापालिकेतर्फे १७ वसुली पथक नियुक्त करण्यात आले आहेत. काही कर्मचारी अद्यापही वसुलीसाठी जात नसल्याचे निदर्शनास आले आहे. जे कर्मचारी वसुलीसाठी गैरहजर असतील त्यांच्या कडक कारवाई करण्याचा निर्णय आयुक्तांनी घेतला आहे.

शास्ती योजनेसाठी पाच दिवस

महापालिकेतर्फे घरपट्टीची थकबाकी भरणाऱ्यासाठी अभय शास्ती योजना लागू करण्यात आली आहे.जे थकबाकिदार आपली थकबाकी भरणार आहेत. त्यांना व्याज व दंडातून माफी देण्यात येणार आहे. आता या योजनेचे शेवटचे पाच दिवस बाकि आहेत. नागरिकांनी त्यांचा लाभ घ्यावा असे अवाहनही महापालिकेतर्फे करण्यात आले आहे.