Jalgaon Unseasonal Rain : शहरात शुक्रवारी (ता. ७) रात्री आठच्या सुमारास पावसाच्या हलक्या सरी कोसळल्या. मात्र, त्यामुळे वातावरणात उकाडा अधिक जाणवू लागला होता. (Jalgaon Unseasonal Rain news)

जळगाव शहरात शुक्रवारी पहाटे ढगाळ वातावरण होते. काही ठिकाणी तुरळक पाऊस झाला. मात्र, दुपारी शहरात उन्हाचा कडका जाणवत होता. मात्र, अधूनमधून ढगाळ वातावरणही होत होते. सायंकाळी अनेक भागात जोरदार वारा सुटला होता.

त्यामुळे वातावरणात गारवा जाणवत होता. रात्री आठच्या सुमारास मात्र हलक्या सरी कोसळल्या. तब्बल तासभर सरी शहरातील अनेक भागांत कोसळल्या. त्यामुळे वातावरणात उकाडा अधिक जाणवू लागला होता.

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत

पाऊस सुरू झाल्यामुळे नागरिकांची व रस्त्यावर खाद्यपदार्थ विक्री करणाऱ्या विक्रेत्यांची तारांबळ उडाली. हवामान खात्याने शहरात शनिवारी (ता. ८) ढगाळ वातावरणासह पावसाचा अंदाज व्यक्त केला आहे.