Jalgaon News : जिल्ह्यात मागील चार ते पाच दिवस उन्हाचा कडाका कमी झाला होता. आता तापमान पुन्हा वाढू लागले आहे. तसतशी पाणीटंचाई असलेल्या गावांची संख्या वाढत आहे. २ एप्रिलला २९ गावांत ३३ टँकरने पाणीपुरवठा होत होता. ५ एप्रिलला त्यात वाढ होऊन टंचाईची गावे २९ वरून ४२ वर गेली, तर टँकरही ३३ वरून ५१ वर गेले होते. आता टंचाईग्रस्त गावांची संख्या ४२ वरून ५३ वर गेली (११ गावे वाढली). (Jalgaon Water scarcity in district from 42 villages to 53 villages Intensity of summer)

टँकर आता ५१ वरून ६९ टँकरवर (१८ टँकर) गेली आहे. २०२३ मध्ये ८० टक्के पाऊस झाल्याने पाणीटंचाईच्या झळा अधिक जाणवतील. यामुळे जिल्हा प्रशासनाने जानेवारीपासूनच सर्व नगरपालिका, नगरपंचायतींना पाणीपुरवठ्यात कपात करण्याचे आदेश दिले होते. यामुळे जळगाव शहरासह जिल्ह्यात २ ते ८ दिवसांआड पाणीपुरवठा होत आहे.

टँकर सुरु असलेली गावे

तालुका--गावे--टँकर

चाळीसगाव--२७--३८

अमळनेर--१७--२२

भडगाव--२--२

भुसावळ--१--१

पारोळा--२--२

जळगाव--२--२

८५ गावांसाठी १०० विहिरीचे अधिग्रहण

चाळीसगाव तालुक्यातील ३३ गावांतील ४३ ,अमळनेर तालुक्यांतील २७ गावांत ३२, भडगाव तालुक्यातील तीन गावांसाठी तीन, भुसावळ तालुक्यातील दोन गावांत दोन, पारोळा तालुक्यात ४ गावांत ४, पाचोरा तालुक्यात तीन गावांना तीन.

धरणगाव तालुक्यातील ९ गावांत १०, तर जामनेर तालुक्यातील ४ गावांत ४ विहिरींचे अधिग्रहण केले आहे. एकूण ८५ गावांत १०० विहिरींचे अधिग्रहण करण्यात आल्याचे प्रशासनातर्फे सांगण्यात आले.