जळगाव : महिनाभरापासून कधी जोरात पाऊस, तर कधी थंडीचा कडाका वाढला आहे. महाराष्ट्राबरोबर देशभरात कुठे दाट धुके, कुठे अवकाळी पाऊस, तर कुठे कडाक्याची थंडी पडत आहे. रविवारी (ता. २३) तर पाकिस्तानातून सुटलेले वादळ महाराष्ट्रावर धडकल्याने त्याचा परिणाम जिल्ह्यतील वातावरणावर झाला. सकाळपासूनच धुक्याचे वातावरण आहे. मात्र ते धूलिकणयुक्त आहे. यामुळे दृश्‍यमानता कमी झाली आहे. लांब अंतरावर पहिले असता दृश्‍यमानता कमी दिसत होती.
पाकिस्तानहून निघालेले धुळीचे वादळ गुजरात अरबी समुद्रमार्गे महाराष्ट्रापर्यंत पोचल्याचे हवामान विभागाने सांगितले. कोकणात पाऊस, तर मुंबई, पुण्यासह महाराष्ट्रात थंड वारे वाहत आहेत. यामुळे उत्तर कोकण, मध्य महाराष्ट्रात दृश्‍यमानता कमी झाली आहे.
धुळीचे वादळ असल्यामुळे पाकिस्तानातून आलेले धुलीकण हवेत पसरले आहेत. यामुळे समोरचे दिसणे कमी झाले आहे. शिवाय अधून- मधून ढग देखील ये-जा करत आहेत. यामुळे सूर्यप्रकाश पुरेशा प्रमाणावर जमिनीवर पडत नाही. दृश्‍यमानता कमी झाली आहे.
हिमाचल प्रदेशात बर्फाचा वर्षाव सुरू आहे. यामुळे महाराष्ट्रात त्याचा प्रभाव जाणवत आहे. सकाळी व रात्री थंडीचे वातावरण २९ जानेवारीपर्यंत राहील. नंतर मात्र दुपारचे वातावरणात गरम होईल, अशी माहिती हवामानतज्ज्ञ नीलेश गोरे यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.