चाळीसगाव (जि. जळगाव) : तालुक्यातील खडकी गावातून पंधरा वर्षीय अल्पवयीन मुलाचे (Minor Boy) अपहरण (Kidnapping) करून पळवून नेल्याची घटना एक जूनला घडली होती. याप्रकरणी अखेर शनिवारी (ता. ४) अज्ञात व्यक्तीविरोधात चाळीसगाव शहर पोलिस ठाण्यात गुन्हा दाखल करण्यात आला आहे. (kidnapping of minor Jalgaon Crime News)

तालुक्यातील खडकी गावात सचिन अशोक पवार (वय १५) हा मुलगा आपल्या कुटुंबीयांसह वास्तव्याला आहे. तो १ जूनला सकाळी साडेअकराच्या सुमारास घरात एकटा असताना अज्ञात व्यक्तीने फूस लावून अपहरण करून पळवून नेले. सचिनचे वडील अशोक पवार यांनी परिसरात, त्याचे मित्र आणि नातेवाईकांडे शोधाशोध केली. परंतु तो कुठेही आढळून आला नाही. अखेर चार जूनला सायंकाळी साडेपाचच्या सुमारास चाळीसगाव शहर पोलिस ठाण्यात धाव घेऊन तक्रार दिली. त्यांच्या तक्रारीवरून पोलिस ठाण्यात गुन्हा दाखल करण्यात आला आहे. सहाय्यक पोलिस निरीक्षक विशाल टकले तपास करीत आहेत.