जळगाव : शहरातील शिवकॉलनीतील एकाने सॅनिटायझर प्राशन केल्याने उपचारादरम्यान त्याचा मृत्यू झाल्याची घटना समोर आलीय. याप्रकरणी रामानंदनगर पोलिस ठाण्यात अकस्मात मृत्यूची नोंद झाली आहे.

रामानंदनगर पोलिस ठाण्याच्या हद्दीत शिवकॉलनीतील रहिवासी मंगलसिंग रामदास इंगळे (वय ५५) कुटुंबीयांसह वास्तव्याला आहे. शनिवारी (ता. १६) दुपारी मंगलसिंग इंगळे यांनी घरात असलेले सॅनिटायझर घेतले. त्यांना अत्यवस्थ वाटत असल्याने नातेवाइकांनी तातडीने जिल्हा शासकीय वैद्यकीय महाविद्यालयात दाखल करण्यात आले. त्यांचा उपचारादरम्यान सायंकाळी मृत्यू झाला. आत्महत्या करण्याचे नेमके कारण कळू शकले नाही. याप्रकरणी शनिवारी रामानंदनगर पोलिस ठाण्यात अकस्मात मृत्यूची नोंद करण्यात आली आहे. पुढील तपास पोलिस नाईक नीलेश पाटील करीत आहे.