भुसावळ : येथील गजानन महाराजनगर भागातील कोटेचा माध्यमिक विद्यालयात सासू व सून यांच्यात झालेल्या वादाचे रूपांतर विकोपाला जाऊन सुनेने सासूच्या मानेवर विळ्याने वार करून खून केला. ही घटना बुधवारी सायंकाळी पावणेसातच्या सुमारास घडली.
( family dispute and murder of mother-in-law by daughter in law)

गजानन महाराजनगर भागातील श्रीमती पद्माबाई कोटेचा प्राथमिक व बालवाडी विद्यामंदिर आणि माध्यमिक विद्यालयात आठ वर्षांपासून वॉचमनची नोकरी करणारे रवींद्र सोनवणे परिवारासह शाळेतीलच पत्र्याच्या खोलीत राहतात. त्यांच्यासोबत पत्नी उज्ज्वला सोनवणे व आई द्वारकाबाई पंढरीनाथ सोनवणे राहत होत्या.

...अन् आईचा घात झाला
रवींद्र सोनवणे बुधवारी सायंकाळी सहाच्या सुमारास किराणा दुकानावर माल खरेदीसाठी गेले असता, त्यादरम्यान त्यांची पत्नी उज्ज्वला सोनवणे व आई द्वारकाबाई सोनवणे यांच्यात वाद झाला. तो विकोपास जाऊन उज्ज्वला सोनवणे यांनी धारदार विळ्याने द्वारकाबाई सोनवणे यांच्या मानेवर वार करून ठार मारले.

पोलिसांची घटनास्थळी धाव
माहिती मिळताच घटनास्थळी पोलिस उपअधीक्षक सोमनाथ वाघचौरे, निरीक्षक नितीन गणापुरे, शहर पोलिस ठाण्याचे निरीक्षक बाबासाहेब ठोंबे, सहाय्यक निरीक्षक संदीप दुनगहू, विनोदकुमार गोसावी, विशाल सपकाळे व पोलिस कर्मचारी पोचले व शवविच्छेदनासाठी मृतदेह रुग्णालयात पाठविला. याबाबत गुन्हा दाखल करण्याची प्रक्रिया सुरू आहे