नगरदेवळा : नगरदेवळा सह परिसराला संजीवनी ठरणारा अग्नावती प्रकल्प या वर्षी जुलै महिन्यातच पूर्णक्षमतेने भरल्याने ग्रामस्थात आनंदाचे वातावरण निर्माण झाले आहे.

नगरदेवळा सह परिसर पूर्णत: शेतीवर अवलंबुन असल्याने प्रकल्प भरल्याने बागायती क्षेत्रात वाढ होत असते.मुख्य पीक कापुस असुन केळी हे बागायती पीक आहे.गेल्या वर्षी नऊ वर्षा नंतर अग्नावतीला पूर आला होता.पावसाळा चांगला झाल्याने शेतकर्यांच्या विहीरिंना पाणी मुबलक प्रमाणात असल्याने प्रकल्पातून शेती साठी पाणी ऊपसा कमी प्रमाणात झाला.जून महिन्याच्या सुरुवातीला प्रकल्पात तीस टक्के पाणी साठा शिल्लक होता.या वर्षी सुरुवाती पासुन अग्नावती नदीच्या उगम असलेल्या मराठवाड्यातील काळदरी परिसरात दमदार पाऊस झाल्याने मराठवाड्यातील काळदरी व किन्ही हे प्रकल्प लवकर भरलेत.त्या सोबत पिंप्री प्रकल्पही भरल्याने अग्नावती प्रकल्पातील पाणी साठ्यात झपाट्याने वाढ होत प्रकल्प भरल्याने ग्रामस्थांना भेडसावणारा पाणी प्रष्न देखिल मिटला आहे. ग्रामस्थांनी सद्य सथितीत पाच ते सात दिवसाआड पाणी पिले.तर त्या अगोदरच्या काळात अनेक वर्ष उन्हाळ्यात एक महिना आड देखिल पाणी पिले आहे. 

मात्र या वर्षी एक दिवसाआड ग्रामस्थांना पिण्याचे ताजे पाणी मिळणार यात शंका येण्याचे कारणच नाही.जेणे करुन ग्रामस्थांचे आरोग्य उत्तम राहिल. परिसरात मुख्य व्यवसाय शेती असल्याने मजुरांना देखिल रोजगार मोठ्या प्रमाणात उपलब्ध होऊन त्यावर उवलंबून असणारे व्यवसाय भरभराटीला येतील.गेल्या वर्षी प्रकल्पातील गाळ ,मुरुम,मातीचा मोठ्या प्रमाणात उपसा झाल्याने प्रकल्पाची खोली वाढली.त्या मुळेच पाणी साठा वाढला पर्यायाने जमिनीत पाण्याचा निचरा वाढला. जमिनीतील पाणी पातळी वाढली .या वर्षी देखिल सुरुवाती पासुनच पावसाळा चांगला होऊन प्रकल्प भरल्याने शेतकर्यांन सह ग्रामस्थांत समाधान व्यक्त होत आहे.

संपादन- भूषण श्रीखंडे