जळगाव : जिल्ह्यात रोजच्या रुग्णांची संख्या कमी होत असतांना ॲक्टिव्ह (Active patient) रुग्णही कमी होऊ लागले आहेत. आयसीयू (icu) व ऑक्सिजनवरील (oxygen) गंभीर रुग्णांची संख्याही आता खाली आली आहे. शनिवारी नवे ८७७ रुग्ण आढळून आले, तर ७२०बरे झाले. दिवसभरात १६ जणांचा बळी (death) गेला.

(jalgaon district patients increased more patients recovering)

जळगाव जिल्ह्यात तीन आठवड्यांपासून कोरोना संसर्गाचा कमी झालेला असून दररोजचे रुग्ण कमी होत असल्याचा दिलासा देणारे चित्र आहे. शनिवारी मिळालेल्या चाचण्यांचे अहवाल प्राप्त झाले. त्यातून ८७७ नवे रुग्ण समोर आले आहे. त्यामुळे जिल्ह्यातील रुग्णसंख्या एक लाख २९ हजार ४९ झाली आहे. तर ७२० रुग्ण बरे झाल्यानंतर बरे होणाऱ्यांचा आकडा एक लाख १७ हजार ९ झाला आहे.

सलग दुसऱ्या दिवशी १६ जणंचा मृत्यू

रुग्णसंख्या कमी होत असताना आता जिल्ह्यातील मृत्यूचा आकडाही कमी होत आहे. गेल्या आठवड्यापूर्वी दररोज २० पेक्षा अधिक जणांचा बळी जात होता. तर गेल्या दोन दिवसांपासून ही १६ जणांचा मृत्यू झाला आहे. शनिवारी जळगाव शहरातील पाच जणांसह १६ जणांचा मृत्यू झाला. एकूण बळींचा आकडा दोन हजार ३२० झाला आहे.

असे आढळले रुग्ण

जळगाव शहर- १४३, जळगाव ग्रामीण- ६२, भुसावळ- १०१, अमळनेर- २०, चोपडा- ४०, पाचोरा- ४३, भडगाव- १८, धरणगाव- ३१, यावल- ३१, एरंडोल- २३, जामनेर- १०१, रावेर- ४८, पारोळा- २४, चाळीसगाव- ९१, मुक्ताईनगर- ४०, बोदवड- ५५, अन्य जिल्ह्यातील- १२.

(jalgaon district patients increased more patients recovering)