जळगाव ः खूनाच्या गुन्ह्यात कारागृहात न्यायालयीन कोठडीत असलेल्या  कैद्याने कारागृहात फिनाईल पिऊन आत्महत्या करण्याचा प्रयत्न सोमवारी केला. कैद्यावर तातडीने उपचारासाठी डॉ. उल्हास पाटील वैद्यकीय रुग्णालयात दाखल केले. याप्रकरणी त्याच्यावर जिल्हापेठ पोलीस ठाण्यात गुन्हा दाखल केला आहे. 

वाचा- मुलाची केक कापण्याची तयारी; इतक्‍यात सिलेंडरचा भडका

खूनाच्या गुन्ह्यात न्यायालयीन कोठडीत असलेला संतीलाल उर्फ शातांराम पावरा हा १ एप्रिल २०१९ पासून कारागृहात आहे. याठिकाणी तो बंदिवानांसाठी जेवण तयार करणार्‍या स्वयंपाक गृहात स्वयंपाक बनवण्याचे काम करतो. रविवारी पाकगृह अंमलदार म्हणू हिरवकर हे ड्युटीवर असतांना संतीलाल याने त्याचे मेव्हणे राजू सखाराम पावरा यांच्यासोबत आज सकाळी ९.४२ वाजेच्या सुमारास फोनवर बोलला. त्यानंतर त्याला चक्कर व उलट्या झाल्याने त्याला इतरांच्या मदतीने कारागृहात प्राथमिक उपचार करण्यात आले. दरम्यान संतूलाल याची चौकशी करुन काय झाले ? याबाबत विचारणा केली असता त्याने साईसफाईसाठी वापरले जाणारे फिनाईल पिल्याचे त्याने हिवरकरांना सांगितले. 

तत्काळ उपचारासाठी दाखल केले 
कैदी संतीलाल याने फिनाईल पिल्याचे सांगताच कारागृह रक्षक विक्रम हिवरकर, दत्ता खोत, अमित पाडवी, सीताराम हिवारे यांनी त्याला तात्काळ उपचारासाठी डॉ. उल्हास पाटील वैद्यकीय रुग्णालयात दाखल केले. आता त्याची प्रकृती स्थिर असून त्याच्याविरुद्ध विक्रम हिवरकर यांच्या फिर्यादीवरुन जिल्हापेठ पोलीस ठाण्यात आत्महत्येचा प्रयत्न केल्याप्रकरणी गुन्हा दाखल केला आहे. सहाय्यक पोलिस निरीक्षक किशोर पवार करीत आहेत. 

वाचा- रात्री नऊपर्यंत दुकानांना हवीय परवानगी
 

मग मी मरुन जाऊ का? 
फिनाईल पिण्या अगोदर संतीलालने मेव्हण्याला फोन केला होता. पोलिसांनी या फोनची रेकॉर्डींग तपासणी केली असता. ती पावरी भाषेत त्याचे संवाद साधला होता यामध्ये सूंतीलाल याने मेव्हण्यास मला माझ्या घरचा नंबर द्या असे सांगितले. परंतु मेव्हण्याने माझ्याकडे नंबर नसल्याचे सांगितले असता सूंतीलालने मग मी मरुन जाऊ का? माझ्या बाईचे दागिने विका, वकील लावा आणि माझा जामीन करा असा संवाद त्या दोघांमध्ये फोनवर संवाद झाला. त्यानंतर अवघ्या काही वेळातच सूंतीलालने फिनाईल पिवून आत्महत्येचा प्रयत्न केला. 
 

संपादन- भूषण श्रीखंडे