जळगाव : राज्यात पक्ष मजबूत करण्यासाठी आता शिवसेनेने (Shiv sena) कंबर कसली आहे. तीन विधानसभा क्षेत्रासाठी एक जिल्हाप्रमुख नियुक्त करण्यात येत आहे. जळगाव (Jalgaon shiv sena leader vishnu bhangale harshal mane) जिल्हाप्रमुख पदी विष्णु भंगाळे व हर्षल माने यांची नियुक्ती गुरुवारी (ता. ३) जाहिर करण्यात आली. (jalgaon-shiv-sena-vishnu-bhangale-and-harshal-mane-District-Chief)

खानदेशात लोकसभा क्षेत्रनिहाय जिल्हाप्रमुख नियुक्त करण्यात आले होते. त्यामुळे जळगाव, रावेर लोकसभा मतदार संघासाठी दोन जिल्हाप्रमुख होते. आता विधानसभा क्षेत्रनिहाय जिल्हाप्रमुख असणार आहेत. तीन विधानसभेसाठी एक जिल्हा प्रमुख नियुक्त करण्यात आला असून त्यावर एक जिल्हा संपर्कप्रमुख असेल. जळगाव जिल्ह्यात जळगाव लोकसभा क्षेत्रात नवीन पद्धतीने नियुक्त्या करण्यात आल्या आहेत. जळगाव, अमळनेर, जळगाव ग्रामीण, विधानसभा क्षेत्र जिल्हाप्रमुखपदी विष्णु भंगाळे तर पारोळा, पाचोरा, चाळीसगाव या विधानसभा क्षेत्रांसाठी हर्षल माने यांची जिल्हाप्रमुख पदी नियुक्ती करण्यात आली आहे.

दोघेही स्‍थानिक स्‍वराज्‍य संस्‍थेत सदस्‍य

विष्णु भंगाळे हे जळगाव महापालिकेत (Shiv sena jalgaon corporation) शिवसेना नगरसेवक आहेत. ते माजी महापौर आहेत. कवियत्री बहिणाबाई चौधरी विद्यापीठाचे ते सिनेट सदस्य आहेत. तर हर्षल माने हे जिल्हा परिषद सदस्य आहेत. माजी जिल्हाप्रमुख गुलाबराव वाघ हे आता जिल्हा संपर्कप्रमुख असतील. तर आता रावेर लोकसभा क्षेत्रात आता अशाच पद्घतीने नियुक्त्या करण्यात येणारे आहेत.