भुसावळ : गेल्या दोन दिवसांपासून सुरू असलेल्या पावसामुळे (Heavy Rain) वाघूर नदीच्या उगमस्थली झालेल्या दमदार पावसामुळे वाघूर धरणात (Waghur Dam) पाण्याची आवक वाढली आहे. त्यामुळे आज सकाळी या धरणाचे प्रथम यंदाच्या पावसाळ्यात सर्व २० दरवाजे उघडण्यात आले. धरणातून ४९६१८ क्यूसेसने पाणी सोडण्यात आले आहे.

वाघूर धरण पूर्ण क्षमतेने भरल्याने मंगळवारी,२८ सप्टेंबर रोजी सकाळी ७ वाजता धरणाचे २० दरवाजे उघडण्यात आले आहे. पाण्याच्या विसर्गामुळे नदी काठावरील गावांना सतर्कतेचा इशारा देण्यात आला आहे. गेल्या काही दिवसांपासून वाघूर धरण क्षेत्रात झालेल्या जोरदार पावसामुळे वाघूर धरण १०० टक्के भरले आहे.

धरणात आणखी पाण्याची आवक वाढत असल्याने धरणाचे २० दरवाजे मंगळवारी सकाळी उघडण्यात आले. उघडण्यात आलेल्या या दरवाज्यांमधून सध्या ४९६१८ क्युसेस वेगाने पाण्याचा विसर्ग सुरू आहे. त्यामुळे वाघूर धरणाखालील नदीकाठच्या गावातील नागरिकांनी सतर्क राहून सावधानता बाळगावी, असा इशारा देण्यात आला आहे. नदीपात्रामध्ये कोणीही गुरेढोरे सोडू नये अथवा प्रवेश करू नये, असे आवाहनही करण्यात आले आहे.