जळगाव : म्हसावद (ता. जळगाव) येथे रेल्वे उड्डाणपुलावर काम सुरू आहे. या ठेकेदाराने अवैधरीत्या वाळू (Illegal Sand) जमा केल्याप्रकरणी ७० लाख ४ हजार ७१८ रुपये दंड का आकारू नये, अशी नोटीस तहसीलदार नामदेव पाटील यांनी शुक्रवारी (ता. ८) बजावली आहे. (Mhsawad notice fine of Rs 70 lakh to contractor for illegal sand storage Jalgaon latest marathi news)

म्हसावद मंडलाधिकाऱ्यांनी एका तक्रारीवरून म्हसावद परिसरातील २४३ ब्रासचा साठा अवैधरीत्या पकडला होता. या साठ्याचे बाजारमूल्य १० लाख ९३ हजार ५०० एवढे आहे. या मूल्याचे स्वामित्व रक्कम ९ लाख ९० हजार ४६८ आहे.

तर पाच पट दंड ५४ लाख ६७ हजार ५०० आहे. अशी एकूण ७० लाख ४ हजार ७१८ रुपये आपणाकडून का वसूल करू नये, अशी नोटीस तहसीलदार पाटील यांनी ठेकेदार बाळासाहेब भदाणे (रा. धुळे) याला बजावली आहे. सात दिवसात खुलासा सादर करण्यासही सांगण्यात आले आहे. अन्यथा दंडनीय कार्यवाही करण्याची नोटीस बजाविण्यात आली आहे.