Jalgaon Crime News : रामानंदनगर पोलिस ठाणे हद्दीतील अल्पवयीन मुलीला लग्नाचे आमिष दाखवत फूस लावून पळवून नेल्याची घटना बुधवार(ता. २२) रोजी दुपारी तीन वाजेच्या सुमारास उघडकीस आली.

रामानंदनगर पोलिस ठाण्यात रात्री ९ वाजता अपहरणाचा गुन्हा दाखल करण्यात आला आहे. (minor girl was kidnapped by neighbour jalgaon crime news)

अल्पवयीन मुलगी ही आपल्या कुटुंबासह वास्तव्याला आहे. त्याच परिसरात राहणारा विवेक ऊर्फ बॉबी विजय सोनवणे याने पीडित मुलीला लग्नाचे आमिष दाखवत कुटुंबाच्या कायदेशीर रखवालीतून फूस लावून पळवून नेले.

पीडित मुलीच्या नातेवाइकांना घटना समजल्यानंतर त्यांनी मुलीचा सर्वत्र शोध घेतला, परंतु तिच्याबाबत कोणतीही माहिती मिळाली नाही. त्यानंतर पीडित मुलीच्या नातेवाइकांनी रामानंद नगर पोलिस ठाण्यात विवेक ऊर्फ बॉबी याच्या विरुद्ध तक्रार दिली आहे.

त्यानुसार बुधवार (ता.२२) रोजी रात्री ९ वाजता संशयित आरोपी विवेक ऊर्फ बॉबी विजय सोनवणे याच्या विरोधात रामानंद नगर पोलिस ठाण्यात गुन्हा दाखल करण्यात आला आहे. पोलिस उपनिरीक्षक प्रदीप बोरुडे तपास करीत आहेत.