Jalgaon News : नागरिकांच्या हातातील मोबाईल हिसकावून दुचाकीने पलायन करणाऱ्‍या चोरट्यास स्थानिक गुन्हे शाखेच्या पथकाने मोहाडी परिसरातील उमेश पार्कमधून गुरुवारी (ता. १८) दुपारी अटक केली. राहुल देखनाळे, असे चोरट्याचे नाव आहे.

राहुल देखनाळे चोरीचे मोबाईल विकण्याच्या तयारीत असल्याची माहिती स्थानिक गुन्हे शाखेचे पोलिस निरीक्षक किसनराव नजन पाटील यांना मिळाली. (Mobile snatcher thief arrested by police Jalgaon Crime News)

हेही वाचा : Credit Card फसवणूक....काय घ्याल काळजी?

त्यावरून अंमलदार विजयसिंग पाटील, सुधाकर अंभोरे, जितेंद्र पाटील, अकरम शेख, महेश महाजन, नितीन बाविस्कर, प्रीतम पाटील, विजय पाटील, संदीप सावळे, ईश्वर पाटील, उमेशगिरी गोसावी आदींनी राहुल देखनाळे यास ताब्यात घेतले. त्याच्याकडून दोन मोबाईल हस्तगत करण्यात आले.

साथीदाराच्या मदतीने दुचाकीवरून दोन्ही मोबाईल पाच ते सात महिन्यांपूर्वी नागरिकांच्या हातातून हिसकावल्याची त्याने कबुली दिली. त्याला रामानंदनगर पोलिसांच्या ताब्यात दिले आहे.