जळगाव ः बी.जे. मार्केट येथे महानगरपालिकेचे उपायुक्त प्रशांत पाटील हे कर्मचाऱ्यांचा सोबत येत सक्तीने थकबाकी भरणे व गाळे जप्ती करण्याचे धमकी देत आहे. गाळेधारकांनी दिलेले  अवाजावी बिल भरू शकत नसून आता महापालिका प्रशासन गाळे नुतणीकरण व लिलाव करण्याचा प्रयत्न करत आहे. त्यामुळे गाळेधारकांवर महापालिका प्रशासन अन्यया करत आहे. त्यामुळे सर्व गाळेधारक कुटूंबासह रस्त्यावरून आंदोलन करणार असा इशारा गाळेधारकांनी बैठकीतून महापालिका प्रशासनाला दिला आहे. 

शुक्रवार डॉ.शांतारामदादा सोनवणे यांच्या अध्यक्षतेखाली शाहू मार्केट येथे बैठक झाली. बैठकीत माजी नगराध्यक्ष बंडू काळे, भाजप गटनेते भगत बालाणी, नगरसेवक कैलास सोनवणे उपस्थित होते. या सर्वांना डॉ. शांतारामदादा सोनवणे यांनी विनंती केली की, जोपर्यंत महाराष्ट्रातील २७ महानगरपालिका यांच निर्णय शासन दरबारी लागत नाही तोपर्यंत प्रशासनातर्फे गाळेधारकांवर होत असलेल्या कारवाईस विरोध करावा तसेच दूरध्वनीवर आमदार सुरेश भोळे यांना सुद्धा या संदर्भात माहिती देण्यात आली आहे. 

रस्त्यावर उतरणार... 
मनपाला उत्पन्नाचे इतर शेकडो स्त्रोत असतानाही प्रशासन गाळेधारकांच्या मुळावर उठले आहे. महामारीच्या काळात गाळेधारक फार मोठ्या आर्थिक अडचणीत सापडलेला असतानाही मनपा प्रशासन पशुतुल्य वागणुकीने आमचा संसार देशोधडीला लावणार असेल तर आम्हीही हजारोंच्या संख्येने रस्त्यावर उतरू. कोरोना काळातील या जमावाला मनपा प्रशासन जबाबदार असेल.