जळगाव : महापालिका आयुक्त डॉ. विद्या गायकवाड यांच्या मार्गदर्शनात अतिक्रमण विरोधी पथकाने शनिवारी रात्री एमआयडीसीत कारवाई करत ३५ टन प्लॅस्टिक बॅग जप्त करुन गोदाम सील केले.

शनिवारी सायंकाळी ७ वाजेपासून आयुक्त गायकवाड यांच्या नेतृत्वात ही कारवाई सुरु झाली. अतिक्रमण विभागाचे प्रमुख संजय ठाकूर यांच्या पथकाने डी- सेक्टर मधील डी-५५ येथील अनिल मदनदास गेरडा यांचे मालकीच्या गुदामाची तपासणी केली.

त्यात फार मोठ्या प्रमाणावर प्लॅस्टिक पिशव्या प्लॅस्टिक ‘ग्लास प्लेट’चा साठा अंदाजे एकूण ३० ते ३५ टन प्लास्टिक कॅरिबॅग आढळून आल्या. त्यानुसार हे गोदाम सील करण्यात आले. या पथकात साजीद अली, किशोर सोनवणे, नाना कोळी, नितीन भालेराव व आरोग्य निरीक्षक जितेंद्र किरंगे, रमेश कांबळे, अर्जुन पवार, मुकाद विक्की डोंगरे आदी उपस्थित होते.