जळगाव : महापालिकेतर्फे कुत्रा निर्बिजीकरण करण्यासाठी दिलेल्या मक्तेदार कंपनीला स्थगिती देण्यात आली असून, सात दिवसांत खुलासा करण्याचे आदेश दिले आहेत.

शहरातील मोकट कुत्र्यांचा बंदोबस्त करण्यासाठी महापालिकेने नंदुरबार येथील मे नवसमाज निर्माण बहुउद्देशीय संस्थेला मक्ता दिला आहे. (Municipal moratorium on dog neutering monopoly company jalgaon news)

हेही वाचा : क्रेडिट कार्ड वापरताय...मग या गोष्टी माहिती हव्याच...

शहरातील कुत्रे पकडून त्यांचे निर्बिजीकरण करून ती कुत्रे त्याच ठिकाणी सोडण्यात यावीत, या अटीवर हा मक्ता देण्यात आला आहे. मात्र, या संस्थेबाबत अनिमल वेल्फेअर या संस्थेने महापालिकेला तक्रार करून पत्र दिले आहे.

त्यावरून महापालिकेचे आरोग्य विभागाचे सहाय्यक आयुक्त उदय पाटील यांनी महापालिकेचे आरोग्याधिकारी डॉ. विकास पाटील यांना नोटीस बजावून संस्थेची चौकशी करून सात दिवसांच्या आत खुलासा करावा, असे आदेश दिले आहेत.