Jalgaon Accident News : मोटारसायकलने एसटी बसला मागून जोरदार धडक दिल्यामुळे एक जण ठार तर एक जखमी झाल्याची घटना मोरव्हाल (ता. रावेर) येथे घडली. (One killed in bike bus accident jalgaon news)

मध्यप्रदेशातील बोरवाल (ता. झिरण्या, जि. खरगोन) येथील विठ्ठल रामसिंग भिलाला व बबलू आनसिंग भिलाला हे दोघे मोटरसायकलने (क्रमांक एमपी १०, एमसी ०१३०) खरगोनकडून रावेरकडे येत असताना पालकडून रावेरकडे येणाऱ्या बस (क्रमांक एमएच २०, बीएल ०९१०) या बसला मोरव्हाल फाट्याजवळ मागून धडक दिली.

या अपघातात विठ्ठल भिलाला (वय ५०) हे ठार झाले. तर बबलू आनसिंग भिलाला (वय ३०) हा जखमी झाला. सुनील भिलाला याने रावेर पोलिस ठाण्यात दिलेल्या माहितीवरून अपघाताची नोंद करण्यात आली आहे. पोलिस उपनिरीक्षक सचिन नवले तपास करीत आहेत.