Jalgaon News : कौशल्य विकास, रोजगार व उद्योजकता विभागातर्फे येत्या २६ व २७ जूनला ऑनलाईन रोजगार मेळावा होणार आहे. साधारणत: दहावी, बारावी, पदवीधर, तसेच आय. टी. आयमधील सर्व ट्रेड पात्रतेची एकूण १७१ रिक्त पदे या मेळाव्याद्वारे भरण्यात येणार आहेत.

मेळाव्यात सहभागी होण्यासाठी विभागाच्या www.mahaswayam.gov.in या संकेतस्थळावर उपलब्ध रिक्तपदांकरिता अर्ज करण्यासाठी सेवायेजन नोंदणी असलेल्या उमेदवारांनी आपल्या युजर आयडी व पासवर्डने लॉग-ईन करावे. (Online Job Fair from 26 june Jalgaon News)

ज्यांनी नोंदणी केलेली नाही, त्यांनी विभागाच्या संकेतस्थळावर जाऊन नांव नोंदणी करावी व त्यानंतर आपल्या युजरआयडी व पासवर्डने लॉगीन करुन अर्ज करावा.

अडचण असल्यास कार्यालयीन कामकाजाच्या दिवशी सकाळी ९.४५ ते सायंकाळी ६.१५ या वेळेत दुरध्वनी क्रमांक (०२५७) २९५९७९० वर संपर्क साधावा.

पात्रताधारक इच्छूक उमेदवारांनी सुवर्णसंधीचा लाभ घ्यावा, असे आवाहन कौशल्य विकास रोजगार व उद्योजकता विभागाचे सहाय्यक आयुक्त वि. जा. मुकणे यांनी केले आहे.

हेही वाचा : Credit Card फसवणूक....काय घ्याल काळजी?