जळगाव : जिल्ह्यातील १२२ ग्रामपंचायतींच्या सार्वत्रिक निवडणुकींचा आज निकाल जाहीर करण्यात आला. एकूण १४० ग्रामपंचायतींच्या निवडणूका होत्या. त्यातील १८ ग्रामपंचायती बिनविरोध झाल्याने १२२ ग्रामपंचायतीसाठी मतदान रविवारी (ता.१८) झाले होते.

जिल्ह्यातील १४ तालुक्यात निकाल जाहीर झाल्यानंतर विजयी उमेदवार, त्यांचे समर्थकांनी जल्लोष केला. ग्रामीण भागात ढोल ताशांच्या आवाजाने सकाळपासून वातावरण निवडणूकमय केले हेाते. गुलालाची प्रचंड उधळण आज झाली. (People Appointed Sarpanch on 140 Gram Panchayats in District Jalgaon News)

हेही वाचा : असं एक गाव, जिथं जमिनीला कान लावला तरी संगीत ऐकू येतं...

गेल्या अनेक महिन्यांपासून इच्छुकांनी निवडणुकीची तयार केली होती. त्यात काहींना यश येऊन विजय मिळविला. काहींना पराजय स्वीकारावा लागला. विजयी उमेदवारांनी विजयाचा जल्लोष केला. राज्यात ‘भाजप-शिवसेना’ सत्तेत असताना भाजपने लोकनियुक्त नगराध्यक्ष, लोकनियुक्त सरपंचाची प्रथा सुरू केली होती.

राज्यात महाविकास आघाडीची सत्ताच ती लोकनियुक्त नगराध्यक्ष, सरपंच निवड न घेता निवडून आलेल्या सदस्यांमधून सरपंच, नगराध्यक्ष निवड सुरू झाली होती. आता राज्यात पुन्हा भाजप-शिंदे गटाची सत्ता आल्यानंतर लोकनियुक्त सरपंच प्रक्रिया सुरू झाली आहे.