पाळधी (जि. जळगाव) : येथे झालेल्या दगडफेकप्रकरणी पोलिसांनी आणखी एका संशयितास अटक केली असून, आतापर्यंत ५७ जणांना अटक करण्यात आली आहे. सर्वांना न्यायालयीन कोठडी सुनावण्यात आली आहे. (Police have arrested 57 people in paladhi stone pelting jalgaon news)

येथे झालेल्या दगडफेकप्रकरणी शेख मुस्तफा शेख हुसेन उर्फ मिरिंडा यास कासोदा येथून अटक करण्यात आली आहे. त्या मुळे आतापर्यंत ५७ संशयिताना अटक करण्यात आली आहे. या सर्व संशयिताना धरणगाव न्यायालयाने न्यायालयीन कोठडी सुनावली आहे.

हेही वाचा : जीएसटीसाठी नोंदणी केलीच नाही तर??

या प्रकरणी एकूण संशयितांची संख्या ८४ असून, त्यात आणखी वाढ होण्याची शक्यता आहे. या प्रकरणी १ लाख ९८ हजार रुपयांचे नुकसान झाले असून, ते सर्व या संशयितांकडून वसूल करण्यात येईल, अशी माहिती पाळधीचे सहायक पोलिस निरीक्षक प्रमोद कठोरे यांनी दिली. आजही संचारबंदी असल्याने सर्व व्यवहार बंद होते. संचारबंदीने जनजीवन विस्कळीत झाले असून, नागरिकांचे हाल होत आहेत.