यावल (जि. जळगाव) : शहरातील खिर्णीपुरा भागात सुरू असलेल्या जुगारअड्ड्यावर (Gambling Den) येथील पोलिसांच्या पथकाने छापा (Raid) टाकत १० जणांना ताब्यात घेतले. ही कारवाई शनिवारी (ता.११) रात्री करण्यात आली. (Raid on Gambling ben 10 arrested in Yawal Jalgaon Crime News)

शहरातील बुरूज चौकाच्या पुढे खिर्नीपुरा आहे. येथे जुगार सुरू असल्याची माहिती पोलिसांना मिळाली. शनिवारी रात्री येथे सहाय्यक फौजदार मुजफ्फर खान, सहाय्यक फौजदार असलम खान, गणेश ढाकणे, गनी मिर्झा, अलाउद्दीन तडवी, मोहन तायडे या पथकाने खिर्नीपुरा भागात शहाबुद्दीन चिरागोद्दीन यांचे घरासमोर अंगणात सुरू असलेल्या या जुगारअड्ड्यावर छापा टाकला व जुगार खेळण्याऱ्या अमोल राहुल सुरवाडे, रमजान खान सुभान खान, अझरुद्यीन शहाबोद्यीन, रफिक शेख कालू, नईमखान सलिम खान, अरिफ खान गनी खान, सईदखान शाहीखान, शेख जफर शेख शकील, जफरशहा रहेमान शहा व शेख समसोद्यीन शेख कुतुबुद्दीन या १० जणांना ताब्यात घेण्यात आले. त्यांच्याकडून १० हजार १५० रूपयांची रोकड व पत्ता जुगाराचे साहित्य हस्तगत करण्यात आले. त्यांच्याविरुद्ध सुशील घुगे यांच्या फिर्यादीवरून गुन्हा दाखल करण्यात आला आहे.