वरणगाव (जि. जळगाव) : येथील वेस्टन हॉटेलच्या पाठीमागे फुलगाव शिवारात सुरू असलेल्या जुगार अड्ड्यावर (Gambling Den) पोलिसांनी रविवारी (ता. ५) रात्री नऊच्या सुमारास छापा (Raid) टाकून मुद्देमाल जप्त (Seized) करून चौघांना अटक केली आहे. (Raids on gambling den in Varangaon 4 arrested stuff seized Jalgaon Crime News)

फुलगाव शिवारात वेस्टन हॉटेलच्या मागील बाजूस शेतातील मोकळ्या जागेत कोणीतरी जुगाराचा अड्डा सुरू केला आहे, अशी गोपनिय माहिती सहाय्यक पोलिस निरीक्षक आशिषकुमार आडसूळ यांना मिळाल्याने पोलिस उपनिरीक्षक परशुराम दळवी, पोलिस कर्मचारी योगेश पाटील यांनी छापा टाकला. या ठिकाणी जुगार खेळताना महेंद्र खुरपडे (रामपेठ, वरणगाव), विनोद पाटील (जळगाव), प्रशांत चौधरी (झोपे वाडा, वरणगाव), नीलेश पाटील (मोठा माळीवाडा, वरणगाव) हे जुगार खेळताना आढळून आले. जुगार खेळवणारा मालक पसार होण्यात यशस्वी झाला आहे. तर संशयितांकडून जुगाराच्या साहित्यासह रोख रक्कम हस्तगत केली असून, योगेश पाटील यांच्या फिर्यादीवरून वरणगाव पोलिसात गुन्हा दाखल करण्यात आला आहे.