जळगाव : इन्स्टाग्रामवर एका धर्माबद्दल आक्षेपार्ह पोस्ट टाकून बदनामी करून धार्मिक भावना दुखावल्याचा प्रकार उघडकीस आला. या प्रकरणी सायबर पोलिस ठाण्यात अज्ञात व्यक्तीविरोधात गुन्हा दाखल झाला आहे.

सायबर पोलिसांनी दिलेल्या माहितीनुसार, शहरातील गेंदालाल मिल परिसरातील २४ वर्षीय तरुणाच्या इन्स्टाग्राम खात्यावर शुक्रवारी (ता. ३०) रात्री एका धर्माबद्दल आक्षेपार्ह पोस्ट टाकून बदनामी केल्याबाबतची लिंक आली होती.

तरुणाने इन्स्टाग्राम आयडी चेक केले असता बनावट खाते असल्याचे निदर्शनास आले.(Religious sentiments hurt From Instagram Cyber Crime Case registered Jalgaon Crime News)

तरुणाने शनिवारी (ता. १) जळगाव सायबर पोलिस ठाण्यात तक्रार दिली. त्याच्या तक्रारीवरून एखाद्या विशिष्ट धर्माच्या सामाजिक भावना दुखावल्याप्रकरणी अनोळखी इन्स्टाग्राम खातेधारकावर गुन्हा दाखल झाला आहे. पोलिस निरीक्षक लीलाधर कानडे तपास करीत आहेत.