Jalgaon Crime News : औद्योगिक वसाहत परिसरातील सुप्रिम कंपनीच्या मुख्य प्रवेशद्वाराजवळ रिक्षा घेऊन उभा असताना दुचाकीवरून आलेल्या दोघांनी मारहाण करून खिशातून पाकीट हिसकावून पळ काढला.

याप्रकरणी एमआयडीसी पोलिसांत गुन्हा दाखल झाला.()

मुसळी (ता. धरणगाव) येथील गोपाल एकनाथ शिंदे मालवाहू रिक्षा घेऊन औद्योगिक वसाहतीजवळ आले होते.

ते सुप्रिम कंपनीच्या मेन गेटवर उभे असताना स्प्लेंडर मोटारसायकलवर आलेल्या दोघांनी शिंदे यांना काहीही कारण नसताना शिवीगाळ करत खिशातील साडेतीन हजार रुपये असलेले पाकीट लांबविले.

त्यांनी प्रतिकार करण्याचा प्रयत्न केला असता त्यांना ठार करण्याची धमकी दिली. गोपाल शिंदे यांनी एमआयडीसी पोलिसांत तक्रार दिल्यानंतर अज्ञात तरुणांविरुद्ध गुन्हा दाखल झाला. पोलिस उपनिरीक्षक नीलेश गोसावी तपास करत आहेत.