जळगाव : किरकोळ वादावरून समजविण्यासाठी गेलेल्या तरुणाच्या डोक्यात दगड मारून गंभीर जखमी केल्याची घटना एमआयडीसी पोलिस ठाण्यासमोर घडली. या प्रकरणी चौघांवर गुन्हा दाखल झाला. (Stone hit head of person during quarrel Jalgaon Crime Latest Marathi News)

शहरातील शिरसोली रोडवरील डीमार्टसमोर सईद शहा सलीम शहा आपल्या परिवारासह राहतो. सोमवारी (ता. ५) सकाळी अतराला सईद शहा एमआयडीसी पोलिस ठाण्यासमोर किरकोळ वाद सोडविण्यासाठी गेला असता त्याला खलील शहा गुलाब शहा, आसिफ शहा लतिफ शहा, अरबाज शहा लतिफ शहा आणि समीर शहा खलील शहा (सर्व रा. फुकटपुरा, जळगाव) या चौघांनी सईदला शिवीगाळ व बेदम मारहाण करून जखमी केले. या संदर्भात सोमवारी एमआयडीसी पोलिस ठाण्यात चौघांविरोधात गुन्हा दाखल झाला. पोलिस नाईक जितेंद्र राजपूत तपास करीत आहेत.