जळगाव : प्रत्यक्षात चंद्राचा (Moon) आकार बदलत नसला तरी पृथ्वीपासूनच्या (Earth) त्याच्या कमी- अधिक होणाऱ्या अंतरामुळे तो काही वेळा मोठा म्हणजेच ‘सुपर मून’ (Super Moon) दिसतो, त्याचा प्रत्यय मंगळवारी पौर्णिमेच्या दिवशी (ता. १४) येणार आहे. (Super moon will appear today Jalgaon News)

चंद्राची पृथ्वीभोवती फिरण्याची कक्षा थोडी अंडाकृती आहे. त्यामुळे चंद्र आणि पृथ्वी यांच्यातील अंतर सतत बदलत असते. चंद्र पृथ्वीच्या कधी जवळ तर कधी दूर असतो. जवळ असलेल्या बिंदुला पेरिजी (Perigee Point) आणि दूर असलेल्या बिंदुला अपोजी (Apogee Point) म्हणतात. चंद्राचे पृथ्वीपासून सरासरी अंतर ३ लाख ८४ हजार ४०० कि.मी. आहे. पृथ्वीभोवती फिरतांना चंद्र पौर्णिमेच्या (Full Moon) दिवशी ज्यावेळी पेरिजी (Perigee Point) बिंदु वर येतो. त्यावेळी पृथ्वी आणि चंद्र यांच्यातील अंतर सगळ्यात कमी म्हणजे ३ लाख ५६ हजार ५०० कि.मी. असते. अंतर कमी झाल्यामुळे इतर दिवशी दिसणाऱ्या आकाराच्या तुलनेत चंद्र १४% मोठा आणि ३०% जास्त प्रकाशित दिसतो. आकाराने मोठा दिसणाऱ्या पौर्णिमेच्या या चंद्राला ‘सुपरमून’ म्हणतात. अमेरिकेत यावेळी लहान लाल बेरी पिकतात म्हणून त्याला अमेरिकेत ‘स्ट्रॉबेरी’ चंद्र म्हणण्याची पद्धत आहे.

"मंगळवारी रात्री ढगाळ वातावरण नसेल तर नागरिकांनी ‘सुपरमून’ जरूर पाहावा."
- अमोघ जोशी खगोल अभ्यासक