जळगाव : योग साधना करताना योगासनांच्या पूर्वी शरीराची लवचिकता वाढविण्यासाठी सूर्यनमस्कार करणे आवश्यक असते. सातत्याने सूर्यनमस्कार साधना केल्याने शारीरिक लाभ तर प्राप्त होतातच शिवाय मंत्र उच्चारांसहित सूर्यनमस्कार केल्याने मानसिक स्थिरता प्राप्त करण्यासाठीसुद्धा मदत होते. (Surya Namaskar removes mental and physical disorders group Surya Namaskar Day jalgaon news)

सूर्यनमस्काराचा स्थिरतापूर्वक अभ्यास केल्यास अनेक शारीरिक, मानसिक विकार दूर होऊन सकारात्मक ऊर्जा प्राप्त होते व आध्यात्मिक ऊर्जा वाढीस लागते, असे विचार मान्यवरांनी सूर्यनमस्कार दिनानिमित्त व्यक्त केले.

येथील मू. जे. महाविद्यालयाच्या सोहम डिपार्टमेंट ऑफ योग अॅण्ड नॅचरोपॅथीद्वारे सामूहिक सूर्यनमस्कार साधना कार्यक्रम शनिवारी (ता. २८) महाविद्यालयाच्या मैदानावर झाला.

ओरियन सीबीएसई इंग्लिश मीडियम स्कूलच्या प्राचार्या सुषमा कंची, क्रीडाशिक्षक डॉ. रणजित पाटील, सेवानिवृत्त प्राध्यापक, योगसाधक डॉ. डी. टी. नेहते, सोहमचे संचालक डॉ. देवानंद सोनार आदी मान्यवर प्रमुख पाहुणे म्हणून उपस्थित होते.

हेही वाचा : ....इथं बनतो आपला लाडका तिरंगा

संचालक डॉ. सोनार यांनी कार्यक्रमाच्या प्रास्ताविकातून सूर्यनमस्कार दिनाचे महत्त्व याविषयी माहिती दिली. उपस्थित योग साधक, विद्यार्थ्यांकडून सूर्यनमस्काराचा सामूहिक अभ्यास प्रा. गीतांजली भंगाळे यांनी करून घेतला.

साधना बोंडे यांनी अग्निहोत्र केले. प्राचार्या कंची यांनी सूर्यनमस्कार दिनानिमित्त मार्गदर्शन करीत शरीरशास्त्रीय आणि आध्यात्मिक दृष्टिकोनातून सूर्यनमस्काराचे आणि सूर्य उपासनेचे महत्त्व पटवून दिले.

शीतल पाटील यांनी सूत्रसंचालन केल. प्रा. सोनल महाजन यांनी आभार मानले. प्राचार्य डॉ. सं. ना. भारंबे, प्रा. गीतांजली भंगाळे, प्रा. ज्योती वाघ, प्रा. पंकज खाजबागे, प्रा. अनंत महाजन, प्रा. सोनल महाजन, साहिल तडवी, पूजा उभाळे, सायली अजनाडकर, विवेक चौधरी यांनी सहकार्य केले.