जळगाव : खेडी (ता. जळगाव) येथील वीस वर्षीय तरुणाला (Sword) तलवार बाळगल्याप्रकरणी अटक करण्यात आली. एमआयडीसी पोलिसांत गुन्ह्याची नोंद करण्यात आली आहे. (Sword wielding youth arrested from village Jalgaon latest Crime News)

खेडी (ता. जळगाव) येथे राहणारा नीलेश रावसाहेब पाटील (रा. पाटीलवाडा) हा तरुण हातात तलवार घेत दहशत माजवत असल्याची माहिती औद्योगिक वसाहत पोलिस ठाण्याचे निरीक्षक प्रताप शिकारे यांना मिळाली त्यानुसार त्यांच्या पथकातील सहाय्यक फौजदार अतुल वंजारी, नाना तायडे, किशोर पाटील, सुधीर साळवे अशांच्या पथक खेडीतील पाटील वाड्यात धडकले.

संशयिताचा शोध घेताना नीलेश पाटील हा पोलिस पथकाला तलवार मिळून आल्याने त्यास अटक करण्यात आली असून एमआयडीसी पोलिसांत बेकायदा शस्त्रबाळगल्याने गुन्ह्याची नोंद करण्यात आली आहे.