जळगाव : शहरात मंगळवार (ता. ४)पासून तापमानात वाढ (Temperature Rise) होऊ लागली आहे. बुधवारी (ता. ५) शहराचे तापमान ३९ अंश सेल्सिअस नोंदले गेले. (temperature was recorded at 39 degrees Celsius jalgaon news)

सकाळी दहापासूनच उन्हाचे चटके जाणवत होते. एप्रिल महिन्याच्या सुरवातीला तापमानाची वाटचाल ४० अंशाकडे झाली आहे. मे महिन्यात आणखी उन्हाचा तडाखा वाढेल, याची चिंता नागरिकांना सतावत आहे.

यंदा ‘अल निनो’मुळे उन्हाळा अतिकडक राहील, असा हवामान विभागाचा अंदाज आहे. त्यानुसार जिल्हाधिकाऱ्यांनी १ एप्रिलपासून शाळांची वेळ सकाळी सात ते दुपारी बारापर्यंत करण्याचे आदेश शिक्षण विभागाला दिले आहेत, तसेच दुपारी बारानंतर विनाकारण बाहेर न पडण्याचे आवाहन केले आहे.

हेही वाचा : शॉर्ट सेलर्स म्हणजे नक्की कोण?

शहरात उन्हापासून बचावासाठी नागरिक डोक्याला रूमाल बांधून किंवा टोपी घालून जाताना दिसत आहेत. महिला स्कार्फ गुंढाळून, सन कोट घालून उन्हापासून सरंक्षण करीत आहेत. उन्हापासून गारवा मिळण्यासाठी नागरिक उसाचा रस, शितपेयांचा आस्वाद घेत आहेत. गेल्या दोन दिवसांपासून शितपेयांना मागणी वाढली आहे. आजचे कमाल तापमान ३८.६, किमान २० अंश सेल्सिअस नोंदले गेले.