Jalgaon Crime News : पत्र्याच्या शेडचा पत्रा काढून रात्री अज्ञात चोरट्याने मजुराच्या घरातून सोने, चांदीच्या दागिन्यांसह ६२ हजार ४०० रुपयांचा ऐवज लंपास केल्याची घटना देवळी शिवारात नवकार स्टोन क्रशरवर घडली. (thief looted Items worth 72000 including ornaments in bulglari jalgaon crime news)

संजय जयसिंग यादव हा देवळी परिसरातील नवकार स्टोन क्रशरवर मजुरीचे काम करतो. तो शुक्रवारी (ता.७) आपल्या पत्र्याच्या शेड वजा झोपडीला पत्रा आडवा लावून झोपला होता. सकाळी सातला तो उठला असता घरातील तीन पत्र्याच्या पेट्या व मोबाईल आढळून आल्या नाही.

हेही वाचा : Credit Card फसवणूक....काय घ्याल काळजी?

त्याने आजूबाजूला शोध घेतला असता देवळी गावाच्या फाट्याजवळ पेट्या व त्यातील कपडे अस्ताव्यस्त पडलेले दिसले. १६ ग्रॅम वजनाचे सोन्याचे मंगळसूत्र ,कानातले व दागिने,"चांदीचे दागिने तसेच मोबाईल आणि ५० हजार रुपये रोख असा एकूण ६२ हजार ४०० रुपयांचा माल चोरून नेल्याचे उघडकीस आले.

संजय यादव याने फिर्याद दिल्यावरून अमळनेर पोलिस ठाण्यात गुन्हा दाखल करण्यात आला आहे. पोलिस कर्मचारी सुनील पाटील तपास करीत आहेत.